Adel Amrouche yasobanuye ko Bafana Bafana ari ikipe ikwiye kubona itike yo kwitabira Igikombe cy’Isi cy’umwaka utaha.
Umutoza w’u Rwanda yagaragaje uko abyumva nyuma y’uko abasore ba Hugo Broos batsinze ikipe ye ibitego 3-0 kuri sitade ya Mbombela, bikabahesha itike yo kwitabira irushanwa mpuzamahanga ry’umwaka utaha.
Yagize ati: “Mbere na mbere, ndashaka gushimira abaturage bose ba Afurika y’Epfo kuko bizeye ikipe yabo,” — nk’uko byatangajwe n’itsinda ry’itangazamakuru ry’Ishyirahamwe ry’umupira w’amaguru muri Afurika y’Epfo (SAFA).
Yakomeje agira ati: “Ndishimye ku mutoza wa Bafana Bafana ndetse n’ikipe yose muri rusange, kuko Afurika ikeneye abantu bayihagararira neza, nk’uko bigenda kuri Nigeria n’izindi kipe zikomeye zibasha guhagararira umugabane mu gikombe cy’Isi.”
U Rwanda rwari rwitezweho kuba inzitizi ku rugendo rwa Bafana Bafana rwo gushaka itike, ariko ntirwabashije kubahagarika, cyane cyane nyuma y’uko ibibera i Uyo byahaye Afurika y’Epfo amahirwe.
o amakuru avuye i Uyo yagiriye Afurika y’Epfo akamaro.
Intsinzi ya Nigeria y’ibitego 4-0 kuri Benin yafunguye amahirwe ya Bafana Bafana, kuko ari uko Benin itsinze gusa ari bwo Afurika y’Epfo yari kuba itarabona itike.
Ibitego bya Thalente Mbatha, Aswin Appollis na Evidence Makgopa ni byo byahamije ko Hugo Broos n’abakinnyi be bazerekeza muri Leta Zunze Ubumwe za Amerika, Kanada na Mexique.
About The Author
