AFC/M23 yatangaje ko ibi bitero byari bigambiriye abasivili, byapfiriyemo abarimo abagore n’abana, kandi ko bigize ibyaha by’intambara n’ibyaha byibasira inyokomuntu.
Mu gitondo cyo ku wa 12 Ukuboza 2025, indege y’intambara ya Sukhoi-25 na bwo yagabye igitero ku nkambi y’impunzi z’Abanyamulenge iri mu gace ka Mikenke.
Umunyapolitiki Moïse Nyarugabo yatangaje ko ibitero by’ingabo za RDC n’iz’u Burundi ku basivili biri guterwa n’uko zikomeje gutsindwa ku rugamba, kuko mu byumweru bibiri bishize zambuwe ibice byinshi biri mu kibaya cya Rusizi.
Kanyuka yagize ati “Indege z’intambara za Sukhoi-25, kajugujugu z’intambara na drones z’igisirikare biyoborerwa ku butaka bw’u Burundi, zagabye buhumyi ibitero mu midugudu ituwe cyane n’Abanyamulenge ya Mikenke na Rwitsankuku, hirengagijwe bikomeye amahame shingiro y’itegeko mpuzamahanga ry’ubutabazi.”
Umuvugizi wa AFC/M23, Lawrence Kanyuka, yatangaje ko ibi bitero byagabwe mu rukerera rwo kuri uyu wa 13 Ukuboza 2025, kandi ko ingabo z’u Burundi zabigizemo uruhare rutaziguye.
About The Author
